Ukrayna prezidenti Volodimir Zelenski martın 2-də Böyük Britaniyada Kral III Çarlz ilə görüşüb. Bundan öncə isə Zelenski Londonda bir neçə Avropa ölkəsinin, Kanadanın liderləri, Avropa İttifaqının, NATO-nun Ukraynanın müdafiəsi və yardım üzrə təmsilçiləri ilə görüşmüşdü.
Britaniya kralı Zelenskini Norfolkdakı iqamətgahında qəbul edib.
Yerli sakinlər Zelenskinin gəlişini görmək üçün əraziyə gediblər, bəziləri Ukraynanın bayraqlarını qaldırıb. Bu barədə BBC xəbər verir. Görüşün detalları hələlik, açıqlanmır.
Zelenskinin fevralın 28-də ABŞ-yə səfəri isə uğursuz olub, orada ABŞ prezidenti Donald Tramp, vitse-prezident Cey Di Venslə mübahisəsi düşüb. Tərəflər Ağ evdəki Oval ofisdə Ukraynada müharibənin bitirməyin perspektivləri, ona ABŞ-nin dəstəyi müzakirə edirdilər. Zelenski Ağ evi erkən tərk edib, nadir torpaq elementləri üzrə razılaşma da imzalanmayıb.
Fevralın 27-də isə Britaniyanın baş naziri Kir Starmer Vaşinqtonda Trampla danışıqlar aparıb, ona ölkəsinə səfər etmək üçün Kral III Çarlzın dəvətini çatdırıb. Tramp Britaniya monarxından ikinci dəfə səfər dəvəti alan ilk siyasi liderlərdəndir. O, birinci prezidentliyi dönəmində II Yelizavetadan Britaniyaya səfər dəvəti almışdı.